'Em biryara Dadgeha Federalî ya Iraqê qebûl nakin'

Cafer Êmînkî di hevpeyvînekê de ligel ajansa Anadola Tirkiyê ragihand: “Dadgeha Federal a Iraqê biryar daye ku referanduma Başûrê Kurdistanê bê hilweşandin, lê em wê biryarê red dikin û qebûl nakin. Bila ew dadgeh li hemberî binpêkirinên Hikûmeta Iraqê li ser mafê gelê Kurdstanê bêdeng nebe.”

Êmînkî wiha got: “Biryara dadgeha Iraqê siyasî ye û bi ti awayekî pêwendiya wê bi destûr tune ye. Kar û deselatê wê dadgehê tenê ravekirina destûra Iraqê ye û nikare biryarê bide referanduma Başûrê Kurdistanê destûrî ye yan na. Iraq welatekî şikestî ye û ji hemû aliyan ve nema wek dewletekê ye.”