Hêzên Îraqê 24 welatiyên ji Rojhilatê Kurdistanê desteser kirin

Li gorî zanyariyên Rûdawê, ew 24 kes li Silêmaniyê hatine desteserkirin û ji Rojhilatê Kurdistanê ne.

Berdevkê Lijneya Yekem a Hêzên Nobedarên Sînor ên Îraqê Samî Îsmaîl îro ji Rûdawê re ragihand:

“24 kesan hewl daye bi rêyên neyasayî derbasî nav bajaran bibin.”

Li gorî zanyariyên Rûdawê, ew 24 kes ji Rojhilatê Kurdistanê ne û piraniya wan ji ber nebûna pasaportê hewl daye bi qaçaxî derbasî Herêma Kurdistanê bibin û bixebitin.

Berdevkê Lijneya Yekem a Hêzên Nobedarên Sînor ên Îraqê ragihand ku kesên hatine desteserkirin radestî dadgehê hatine kirin û lêkolîn li ser wan tê kirin.

Hêzên Nobedarên Sînor ên Îraqê girêdayî Hikûmeta Îraqê ye û berpirs e ji parastina sînoran ji Zaxoyê heta Xaneqînê.