Kurdistanê peymaneke 10 salî bi Hilal Oil û DANA GASê re îmze kir

Hat ragihandin ku hikûmeta Herêma Kurdistanê peymaneke 10 salî bi şirketên xaz û petrolê yên Hilal Oil û DANA GASê re îmze kir.

22.03.2018, Per - 05:57

Kurdistanê peymaneke 10 salî bi Hilal Oil û DANA GASê re îmze kir

Rêkeftineke 10 salî di navbera hikûmata Herêma Kurdistanê û herdu şirketên Îmarata Erebî Hilal Oil û DANA GASa ku di bin navê Pearl Petroleum konsorsiyom hatine avakirin, bo zêdekirina hilberîna xazê hatiye îmzekirin.

Li gor zanyariyan dê proje ji aliyê DANA GAS û Hilal Oilê were birêvebirin. Di çarçoveya xebatên zêdekirina hilberîna xazê de armanc ew e ku heta 2 salan hilberin ji sedî 120 zêde bibe û rojane hilberin bigihîje 900 milyon metrokupî.

Peyman di navbera Wezîrê Çavkaniyên Sirûştî Aştî Hawramî, Serokê Lijneya Rêveberiya Hilal Oilê Mecîd Cafer û Serokê Lijneya Rêveberiya DANA GASê Patrick Alman Ward de hatiye îmzekirin. Derbarê rêkeftinê de Serokê Lijneya Rêveberiya Hîlal Oilê Mecîd Cafer diyar kir ku ligel Kurdistanê rêkeftineke 10 salî pêk anîne.

Nerina Azad

Vî nûçeyê tevayî: 1087 kes dît.
Rojanekirina Dawî:01:41:36

Petrol

Ji vî neweşînê ra tu şirove nehatîye nivîsandin! Tu dixwazî şiroveya ewil binivîsî?