Berdevkê Serokatiya Herêma Kurdistanê Dilşad Şehab got: “Serokê Herêma Kurdistanê Nêçîrvan Barzanî ji bo gotûbêjkirina mijarên budce û mûçe, petrol û pêwendiyên Hewlêr û Bexdayê dê biçe Bexdayê û bi berpirsên Îraqê re bicive.”
Berdevkê Serokatiya Herêma Kurdistanê Dilşad Şehab herwiha anî ziman:
“Li gorî yasayê û wekî karakterekî bibandor û bihêz ê Kurdistan û Îraqê Nêçîrvan Barzanî, ji bo rêkxistina pêwendiyên di navbera Hewlêr û Bexdayê, çareserkirina pirsgirêkan û nehiştina pirsgirêkên aborî yên wekî budce, mûçe û petrolê dê biçe Bexdayê.”
Dilşad Şehab di berdewamiyê de got:
“Nêçîrvan Barzanî dê li Bexdayê tekeziyê li ser bicihkirina xalên rêkeftina aliyên Çarçoveya Hevahengiyê jî bike ku hikûmet li ser wan xalan hatiye damezrandin û soza bicihkirina wan hatine dayîn lê belê di rastiyê de ew nehatine çareserkirin.”
Dilşad Şehab amaje bi wê yekê jî kir ku armanca Nêçîrvan Barzanî ew e ku navbera Hewlêr û Bexdayê baş û dostane be û bi gotinên li ser medyayê têk neçe ku xelk baca wê bide û ew jî bibe serdema derengketina dabeşkirina mûçeyê xelkê Herêma Kurdistanê.
