Pisporê Rûsî: Dibe Îsraîl bi fermî serxwebûna Kurdistanê binase

Mamostayê Akademiya Zanistên Rûsyayê Stanîslov Îvanov berisva pirsên ajansa Spûtnîkê dan û di axaftina xwe de got: "Dema rêvebiriya Hewlêrê serxwebûna xwe ragihîne dibe Îsraîl bi fermî serxwebûna Herêma Kurdistanê binase."

Her wiha pisporê Rûsî bertekên li hemberî Kurdan aTirkiye û Îranê jî nirxand.

Pisporê rûsî Stanîslov Îvanov bertekên Îran û Tirkiyeyê yên li hemberî referandûma serxwebûna Kurdistanê jî nirxand û di berdewamiya axaftina xwe de got: "Îran û Tirkiye wê sakîn bibin û dê her tişt wekî berê bibe. Ti welatek wê li hemberî Herêma Kurdistanê şer neke û wê sînorê xwe jî negre. Di hiqûqa navneteweyî de girtina deriyên sînor tê wateya şerî."