Seidî Pîre: PDK û YNKê dê bicivin, lê dem nehatiye diyar kirin

Endamê polîtburoya YNKê Seidî Ehmed Pîre ji BasNewsê re ragehand, PDKê û YNKê vê dema borî de gelek caran kombûn pêkanîn, ‘’Dema pêş me de jî dê dîsa civîna herdu aliyan çêbe, lê ji bo civîna vê carê hîn dem û cîh nehatiye diyar kirin.’’

Herwaha got, civîn dê derbarê pirsên Iraqê û hin mijarên din de be, ku naha rojevê de ne. Herwaha pirsa helbijartina jî yek ji mijarên gotûbêjan e.

Seidî Pîre got: ‘’PDK û YNKê gelek qonaxên giran derbas kirine. Hêvî dikim hewla wê yekê bidin ku aliyên din jî li gel wan be û yekrêz bin. Ji ber yekrêzî dê Herêma Kurdistanê bihêz bike û dê garantiya wê yekê be jî ku hemû daxwazên Kurdan bicîhbên.’’