Serokkomara Macaristanê Katalin Novak berî kêliyekê di çarçoveya serdaneke fermî de gihîşt Herêma Kurdistanê û li Firokexaneya Navdewletî ya Hewlêrê ji aliyê Serokê Herêma Kurdistanê Nêçîrvan Barzanî ve hat pêşwazîkirin.
Di merasima pêşwaziyê de, Wezîrê Navxwe yê Herêma Kurdistanê Rêber Ehmed, Parêzgarê Hewlêrê Omêd Xoşnaw û şêwirmendên Serokê Herêma Kurdistanê Felah Mistefa û Fewzî Herîrî jî amade bûn.
Nêçîrvan Barzanî di merasima pêşwaziya Katalin Novak de behsa alîkariyên Macaristanê bo Hêzên Pêşmerge û Herêma Kurdistanê di şerê dijî DAIŞê de kir û spasiya piştgiriyên wî welatî kir.
Ev yekemîn car e Serokkomara Macaristanê serdana Herêma Kurdistanê dike.
Katalin Novak dê bi rayedarên Herêma Kurdistanê û ji wan Serokê Herêma Kurdistanê Nêçîrvan Barzanî re bicive.
Serdana Serokkomara Macaristanê bo Herêma Kurdistanê dê du rojan berdewam bike û dê roja Şemiyê bi Serokwezîrê Herêma Kurdistanê Mesrûr Barzanî re jî bicive.
Berî ku serdana Herêma Kurdistanê bike, Katalina Novak serdana Bexdayê kiribû û bi Serokkomarê Iraqê Ebdulletîf Reşîd re civiyabû.
