Serokwezîrê Ermenistanê cejna Serokwezîrê Herêma Kurdistanê pîroz dike

Nameyeke Serokwezîrê Ermenistanê Nikol Pashinyan duh (Pêncşem, 11ê Nîsana 2024ê) gehişt Serokwezîrê Herêma Kurdistanê Mesrûr Barzanî ku tê de cejna wî pîroz dike.

Li dû ragehandineke Hikûmeta Herêma Kurdistanê, di wê nameya Serokwezîrê Ermenistanê de hatiye, “Bi helkeftina cejna Remezana pîroz, ez gerimtirîn pîrozbahî li we dikim û daxwaza bextewerî û saxlemiyê ji bo cenabê we dikim”.

Serokwezîrê Ermenistanê herwesa nivîsiye, “Em daxwaza berdewambûna aştî û xêr û xweşiyan ji bo dostên xwe, xelkê Herêma Kurdistanê, dikin”.