Washington: Nûnerên Kurd dê beşdarî civînên Komîteya Bilind a Hevahengiyê bibin

 Berdevkê Wezareta Derve ya Amerîkayê amajeyê dide destpêkirina civînên Lijneya Bilind a Hevahengiyê ya Amerîka û Îraqê û radigehîne, “Nûnerên Hikûmeta Herêma Kurdistanê jî dê tevlî danûstandinan bibin”.

Berdevkê Wezareta Derve ya Amerîkayê Matthew Miller duh (Duşem, 08ê Nîsana 2024ê) ragehand, “Amerîka piştevaniya Kurdistaneke bihêz û xweragir di çarçoveya Îraqeke federalî ya seqamgir û serwer û parastî de dike”.

Berdevkê Wezareta Derve ya Amerîkayê got, “Civînên Lijneya Bilind a Hevahengiyê ya Amerîka û Îraqê Duşema bê balê dikişîne ser karên me yên dualî yên pêşiyê û peywendiyên berfireh ên navbera her du welatan, ji wan jî serxwebûna enerjiyê, çaksaziya aborî, dabînkirina xizmetkariyan ji bo Îraqê û bihêzkirina demokrasiyê tevî bihêztirkirina peywendiyan di warên perwerde û çandî de”.

Matthew Miller amaje jî da, “Em daxwazê ji Hikûmeta Îraqê û Hikûmeta Herêma Kurdistanê her duyan dikin ku bizavên xwe ji bo çarekirina arêşeyên kevin du carkî zêde bikin, ku feydeyê aborî ji bo tevaya Îraqê hebe”.