'Av li ser Efrînê hat birîn'

Li gorî nûçeya Arta FMê, Balî destnîşan kiriye ku "nêzîkî milyoneke kes li Efrînê hene û niha xeter heye ku bêav bimînin, ji ber Tirkiye pompeya avê topbaran dike".

Balî diyar kir ku şer û peçvûn li Meydankê û mihwerên Cindirês û Şerayê yên çoltera Efrînê dewam dikin û Tirkiye bi tundî bombebaranê dike.

Di berdewamiya axiftina xwe de Balî got ku "HSD hîn li bajarokên Cindirês, Raco, Kefer Cenê û Şerayê ne û li dijî Artêşa Tirkiyeyê şer dikin."

Li ser hêzên girêdayî Artêşa Sûriyeyê yên hatibûn Efrînê jî, Balî got, "li gel ku wendahî dan jî lê wan hêzan di asta pêwîst de şer nekir."

Ji aliyê din ve, Çavdêrxaneya Sûrî ya Mafên Mirovan ragihand ku li gel bombebarana zêde ya Artêşa Tirkiyeyê jî lê wan nekariye bajarê Cindirêsê kontrol bikin.