Parlamenterekî berê yê Rojhilatê Kurdistanê hat desteserkirin
Parlamenterekî berê yê bajarê Bicar ê parêzgeha Sine ya Rojhilatê Kurdistanê ji aliyê hêzên ewlehiyê yên Îranê ve hat desteserkirin.
Roja Pêncşemê 5ê Çileya 2023an hêzên ewlehiyê yên Îranê parlamenterê berê Mihemed Mihemed Rezayî li bajarê Bîcar ê parêzgeha Sineyê desteserkirin.
Heta niha sedema desteserkirina parlamenterê berê Mihemed Mihemed Rizayî nehatiye ragihandin lê berî niha bi tohmeta belavkirina zanyariyên nerast, propagandaya li dijî desthilatê û têkdana asayîşa giştî bi 2 salan hatibû cezakirin.
Mihemed Mihemed Rezayî bi salan e li ser dosyeya dagirkirina erdên Bîcarê kar dike.
Di rojên dawî de, wî çend name belav kirine û berpirsên dadwerî yên Sine û Bîcarê bi gendelî û bertîlxwarinê tawanbar dike.
Ev nûçe bi tevahî 678 kes dît.
Nûvekirina herî dawî: 18:38:12
Nûvekirina herî dawî: 18:38:12
