Pêşmerge: Operasyona Pêşmerge li eniya Germesêr serkeftî bû
Wezareta Pêşmerge di derbarê operasyona li herêma Kanî Masî de ragihand ku ji bo zêdetir ewlekariya herêmê, qonaxeke din a operasyonê li gundê Kanî Masî yê ser bi çemê Sîrwan, eniya Germesêrê ewayek serkeftî hatiye encamdan.
6ê Tebaxa 2022ê, tabûra 2 ya lîwaya 3 ya Hêzên Pêşmergeyên Kurdistanê li eniya Germesêrê li qeraxên çemê Sîrwan û gundê Dekî Serçem û derdora wê operasyoneke lêgerînê pêk anî û herwiha îro jî operasyoneke din jî hat lidarxistin.
Li gundê Kanî Masî yê li eniya Germesêrê tabûra 2 ya lîwaya 3 û lîwaya 19 a hêzên pêşmerge qonaxeke din a operasyonê pêk anîn.
Li gorî daxuyaniya Wezareta Pêşmerge, operasyon bi armanca dabînkirina ewlehiya zêdetir a navçeyê hatiye encamdan.
Wezareta Pêşmerge tekez kir, operasyon îro saet 11:00ê sibê bi awayekî serkeftî bidawî hat.
Ev nûçe bi tevahî 673 kes dît.
Nûvekirina herî dawî: 02:50:47
Nûvekirina herî dawî: 02:50:47
