Salih Muslim li Silêmaniyê: Em daxwaza nenavendiya demokrat dikin, ne dewleteke neteweyî
Endamê Desteya Serokatiya PYDê Salih Muslim li Silêmaniyê di çarçoveya konferansekê de, tekez kir ku ew ji bo dewleteke neteweyî kar nakin û xwe bi ti şêwazeke taybetî, wek federalîzm an rêveberiya xweser ve girê nedane, lê belê daxwaza "nenavendiya demokrat" dikin.
Salih Muslim doh roja 28ê Tebaxê di paneleke konferansê de, cudahiyên di navbera federalîzma li Iraqê û modela li Bakur û Rojhilatê Sûriyeyê destnîşan kirin û got: "Cudahî ew e ku şêwazê li Iraqê çêbûyî li ser bingeha dewleta neteweyî hatiye kirin. Dema sînor destnîşan kirin û gotin ev navçeyeke federalî ye li Iraqê, ku Kurd li wir dimînin û ev maf dane wan. Lê belê em van mafan nas nakin û ne jî tenê kar ji bo neteweyê dikin. Em dibêjin neteweya demokrat."
Derbarê xebatên wan ên ji bo çareserkirina pirsgirêka Sûriyeyê de, Salih Muslim got: "Dema me kar ji bo çareserkirina Sûriyeyê kir, me xwe bi ti şêwazî ve girê neda, ne federalî yan otnomiyê, lê belê me kar li ser rêxistina rêzan kir, li ser bingeha neteweya demokrat, ku Sûriyeyî, Ereb, Kurd û Siryan bi hev re bin."
Salih Muslim tekez kir ku ew xwe bi şêwazekî diyar ve girê nedane û got: "Tenê me gotiye em nenavendiya demokrat dixwazim."
Nûvekirina herî dawî: 15:22:38
