Şandeyeke Amedsporê çû cem Erdogan

Di hevdîtinê de, Nahît Eren formaya Amedsporê diyarî Recep Tayyîp Erdogan kir.

Serokkomarê Tirkiyeyê Recep Tayyîp Erdogan li Koşka Serokkomariyê birêvebir, rahêner û lîstikvanên wan tîmên futbolê qebûl kirin ku derbasî Lîga Super bûne.

Di nava şandeyên mêvan de birêvebiriya Amedsporê jî cih girt.

Di merasîmê de Serokê Amedsporê Nahît Eren û çend berpirsên tîmê amade bûn.

Nahît Eren û şandeya Amedsporê di serdanê de, formaya Amedsporê ya bi rengên kesk, sor û zer wekî diyarî pêşkêşî Erdogan kir.

Amedsporê serdema borî serkeftineke dîrokî bi dest xistibû û derbasî Lîga Super a Tirkiyeyê bûbû.