Tirkiye bi topên obusan êrîşî çeperên YPGê yên Efrînê kir
Tirkiye bi topên obusan êrîş bir ser çeperên YPGê yên gundewarên Efrînê û YPGê jî bi topên hawanê û roketan bersiva artêşa Tirkîyê da.
Li gor agahîyên ji çavkanîyên Artêşa Sûrîya Azad (ASA) hatine bidestxistin, artêşa Tirkîyê li sînorê Sûrîyê yê Efrînê ketiye rewşa alarmê û bi topên obusan êrîşî çeperên YPGê yên gundewarên Efrînê kir.
Hat ragihandin, bombardimana Efrînê îro li demjimêr 12.40î hatiye destpêkirin ku heta niha nêzîkî 8 top hatine avêtin.
Hat zanîn Tirkiye bi topên obusan êrîşî girê Hişrikê yê girêdayî bajaroka Raco ya Efrînê dike û YPG jî bi topên hawanan û roketan bersiva êrîşê dide.
Çavkanîyên leşkerî yên tirk didin xuyakirin ku topbarana Tirkîyê di çarçoveya rêzikên angajmanê de tê kirin.
Herwiha liv û tevgereke zêde li ser sînorê Tirkiye û Sûrîyê berdewam dike ku tê ragihandin, artêşa Tirkîyê sewqîyata leşkerî li herêmê didomîne.
Ev nûçe bi tevahî 1734 kes dît.
Nûvekirina herî dawî: 03:06:29
Nûvekirina herî dawî: 03:06:29
