Tirkiye ji ber Rojava nikare deriyê sînor ê Xêbûrê bigre
Piştî referandûmê li Duhokê danustandina bazirganiya li gel welatên cîran berdewam dike. Di navbera Başûr û Rojava de 3 derî û di navbera Başûr û Tirkiyê de jî 2 derî hene. Li gor çavakaniyan Tirkiye naxwaze deriyên di navbera Başûr û Rojava de bibin berdêla deriyên Îbrahîm Xelîl û Serzêrê.
Wekî tê zanîn piştî referandûma serxwebûna Kurdistanê, serokomarê Tirkiyê Recep Tayip Erdogan û serokwezîrê Tirkiyê Binali Yildirim daxuyaniyên tund dabûn û gotibûn: "Dê rêveberiya Herêma Kurdistanê berdêla vê yekê bidin. Hemwelatî jî tirsiyabûn ku Tirkiye deriyê Îbrahim Xelîl- Xabûre bigre û Tirkiye êdî rê nede petrola Kurdistanê bighe bazarên cîhanê. Lê belê heya niha amajeyek bo girtina deriyan tuneye û çûn û hatin zêdetir bûne.
Lê belê kesekî agahdar ji Rudawê re weha got; "Raste deriyê Xabûrê ji bo Tirkiyê giringe, lê yek ji sedema negirtina deriyan ewe ku, Tirkiye naxwaze deriyên Rojava bibin berdêla deriyên Îbrahîm Xelîl-Xabûrê. Ji ber ku heke bazirganiya di navbera Herêma Kurdistanê û Rojava de geş bike, dê Tirkiye ji du aliyan ve zirarê bibine. Hem dê derbeyê li aboriya xwe bide, hem jî dê bihêle ku Rojava bihêztir bibe.
Nûvekirina herî dawî: 08:06:42
