Yekgirtûya Îslamî pîrozbahiyê li PDKê dike
Yekgirtûya Îslamî ya Kurdistanê bi boneya 77emîn salvegera damezrandina Partiya Demokrat a Kurdistanê (PDK) peyameke pîrozbahiyê arasteyî Serok Barzanî, polîtburo, serkirdetî û alîgirên PDKê kir.
Îro Sêşemê 15ê Tebaxa 2023an, Encûmena Cîbicîkar a Yekgirtûya Îslamî ya Kurdistanê peyameke pîrozbahiyê arasteyî Serok Barzanî, polîtburo, serkirdetî û alîgirên PDKê kir û tê de diyar kir: “Ev bone di demekê de ye ku herêma me di rewşeke aloz û hestyar re derbas dibe û di ber çendîn astengî û metirsiyê de ye, divê em bi awayekî berpirsane serederiyê bikin û rêyeke çareseriyê ya guncaw bibînin.”
Yekgirtûya Îslamî ya Kurdistanê di peyama xwe de destnîşan kiriye, "ji bo derçûna ji vê qonaxa hestyar, destpêşxeriya bi wêrekî û berpirsane divê, rêkxistina nav mala xwe û pêşwaziyeke ciwan li hilbijartinên Parlamentoya Kurdistanê, beşeke sereke ye di vê proseyê de".
Herwiha tekeziyê li ser şûnasên resen ên olî û nirxên gelê Kurd dike û tevî xwesteka Yekgirtû ji bo berdewamiya pêşvebirina pêwendiyên navbera herdu aliyan.
Sibe 16ê Tebaxa 2023an, 77emîn salvegera damezrandina Partiya Demokrat a Kurdistanê (PDK) ye.
Nûvekirina herî dawî: 01:36:11
