Mesrûr Barzanî kevirê bingehîn ê rê û pira Tuwequtê li parêzgeha Helebce datîne
Serokwezîrê Herêma Kurdistanê Mesrûr Barzanî îro li parêzgeha Helebceyê kevirê bingehîn ê rêya Helebce – Tuwequt – Qilîce û pira Tuwequt datîne.
Nivîsgeha Ragihandin ya Serokwezîrê Herêma Kurdistanê ragihand, Serokwezîr Mesrûr Barzanî îro roja pêncşemê 22.02.2024 serdana parêzgeha Helebceyê dike.
Li gorî daxuyaniyê, Serokwezîr Mesrûr Barzanî li demjimêr 13:00ê piştî nîvro dê kevirê bingehîn ê rêya Helebce – Tuwequt – Qilîce û pira Tuwequt deyne.
Pira Tuwequtê, projeyek girîng û stratejîk e, ji sala 2008ê ve hatiye dîzaynkirin û parêzgeha Helebce û devera Germiyanê bi hev ce girê dide.
Dirêjiya pira Tuwequtê bi qasî 350 metre dibe û bi xerciya zêdetirî 31 milyar dînar dê were cîbicîkirin.
