HSDê girtina du çekdarên DAIŞê li Dêrezorê ragihand
HSDê ragihand, di operasyonekê de bi alîkariya Dije Terora Herêma Kurdistanê CTG û Hevpeymaniya Navdewletî, 2 çekdarên DAIŞê li Dêrezorê hatine girtin.
Navenda Ragihandinê ya Hêzên Sûriya Demokratîk (HSD), di daxuyaniyekê de eşkere kir ku yekîneyên wan ên Antî Terorê bi alîkariya hêzên Hevpeymaniya Navdewletî û hêzên Dije Terorê yên Herêma Kurdistanê CTG operasyoneke hevbeş li dijî DAIŞê pêk anîne.
Li gor daxuyaniyê, operasyon li dijî şaneyeke DAIŞê û li bajarokê Siwer ê Dêrazorê hatiye kirin.
HSD dibêje, hêzên wan di operasyonê de 2 çekdarên DAIŞê girtine ku çendîn çalakiyên kuştin, terorkirina şervanan û rûspiyên navçeyê pêk anîne, herwiha karê qaçaxçîtiyê bi endamên DAIŞê dikirin.
HSDê herwiha dîmenên wê operasyonê belav kirine û diyar kiriye, hejmareke çek û teqemenî jî bi wan çekdaran re hatiye girtin.
Ev nûçe bi tevahî 523 kes dît.
Nûvekirina herî dawî: 00:14:28
Nûvekirina herî dawî: 00:14:28
