Îranê bi dronan êrişî kampa malbatên Pêşmergeyên Rojhilatê Kurdistanê kir
Rayedarekî bilind ê Partiya Demokrat a Kurdistana Îranê (PDK-Î) ragihand, Artêşa Pasdaran berbanga vê sibehê bi 3 dronên Hadid-110î êrişî Kampa Azadiyê ya PDK-Îyê kiriye.
Rayedarekî bilind ê Partiya Demokrat a Kurdistana Îranê (PDK-Î) ji ajansa Rûdawê re ragihand, Artêşa Pasdaran berbanga vê sibehê bi 3 dronên Hadid-110î êrişî Kampa Azadiyê ya PDK-Îyê kiriye.
Kampa Azadiyê li nêzîkî navçeya Koyeyê ya ser bi Hewlêrê ve ye û malbatên Pêşmergeyên PDK-Îyê lê dimînin.
Kanalên Telegramê yên ku bi Artêşa Pasdaran a Îranê ve girêdayî ne êriş ragihand û vîdeoyên teqînên li Koyeyê belav kirin.
Wan kanalan îdia kir ku di êrişên bi şev de gelek dron û mûşek hatine bikaranîn.
Ev êriş, di nav kêmtirî hefteyekê de êrişa duyem e ku baregehên PDK-Îyê yên li Herêma Kurdistanê dike armanc.
Ev nûçe bi tevahî 86 kes dît.
Nûvekirina herî dawî: 23:07:05
Nûvekirina herî dawî: 23:07:05
