Îranê hişyarî da keştiyên li Tengava Hurmizê

Daxuyanî ji aliyê Saziya Tengava Kendava Farsê ya Îranê ve li ser Xê hat belavkirin.

Saziyê ji şirketên ku kel û pelan vediguhêzin Kendavê xwest ku beriya kirêkirina her keştiyê, lîsteya nû ya wan keştiyên ku bi binpêkariyê tên tohmetbarkirin kontrol bikin.

Hat diyarkirin ku ji roja yekşemê ve ew keştiyên ku bi keştiyên di lîsteyê de re hevkariyê dikin jî dê li lîsteyê bên zêdekirin.

Ev biryar veguhastina kel û pelan a ji keştiyekê ji bo keştiyeke din û karên bi vî rengî jî li xwe digire.

Li gorî daxuyaniya saziyê, ew keştiyên ku dixwazin navên wan ji lîsteyê werin derxistin, divê daxwaznameyeke fermî pêşkêş bikin û sedemên daxwaza xwe rave bikin.

Dan û standinên Îran û Amerîkayê

Îran û Amerîkayê meha hezîranê bi navbeynkariya Pakistan û Qeterê li ser memorandumekê li hev kiribû.

Her du aliyan ji bo gihîştina peymaneke dawî li ser berdewamkirina dan û standinan li hev kiribû.

Lê ji ber nakokiyên li ser bicihanîna memorandumê û amadehiyên ji bo derbasbûna ji Tengava Hurmizê, axaftin hatine rawestandin.

Tengava Hurmizê ji bo petrol û gaza cîhanê rêyeke stratejîk e û bandorê li aboriya cîhanê dike.