Ji Hêzên Pêşmerge û Asayîşê operasyoneke mezin
Çavkaniyên herêmî, hêzên Pêşmerge û Asayîşa Kurdistanê îro berê sibehê li Başûrê Kerkûk\'ê operasyoneke mezin li dar xistin.
Li başûrê Bajarê Kerkûkê di operasyona hevpar a Hêzên Pêşmerge û asayîşa Kurdistanê de 20 gumanbar hatin binçavkirin, gelek wesayît û motorsikletên bê belge hatin desteserkirin.
Li gorî çavkaniyan di operasyonê de bombe û teqemenî jî hatine girtin.
Li gorî nûçeya malpera Rûdawê Rêvebirê Polîsên Qeza û Nehiyeyên Kerkûkê Serhed Qadir got: \"Li navçeya Dubiz û bajarokê Yaycî saet li 04.00ê sibehê operasyoneke berfireh hat destpêkirin.\"
Serhed Qadir da zanîn ku di operasyonê de 20 kesên gumanbarê DAIŞê hatine binçavkirin. Herwiha dest danîne ser çend otomobîl û 10 motorên bê belge û hejmareke bombe û alavên teqemeniyê.
Ev nûçe bi tevahî 1837 kes dît.
Nûvekirina herî dawî: 16:06:37
Nûvekirina herî dawî: 16:06:37
