Kurê Seyda Perînçek transferî Diyarbakirsporê bû
Tîma parêzgeha Amedê ya Bakurê Kurdistanê Diyarbakirspor kurê Seyda Perînçek ê bi navê Mehmet Pearînçek transferî kir
Diyarbakirspor ku di Lîga 3yemîn a Tirkiyeyê de têdikoşe, di çarçoveya amadekariyên sezona nû de transferên xwe didomîne.
Rêveberiya tîmê ragihand ku wan di rojekê de çar lîstikvanên nû tevlî tîmê kirine.
Navê herî balkêş: Mehmet Perînçek
Di nav lîstikvanên nû de navê ku herî zêde bal kişand, kurê hunermendê navdar ê Kurd Seyda Perînçek, Mehmet Perînçek bû.
Ev transfer di nav hezkiriyên futbolê û hunerê de bû sedema eleqeyeke mezin.
3 lîstikvanên din jî hatin transferkirin
Birêvebiriya Diyarbakirsporê da zanîn ku ji bo bihêzkirina tîmê, Mustafa Emre Yalçinkaya, Dogukan Taş û Ugur Utlu jî transfer kirine.
Hat ragihandin ku tîm amadekariyên xwe yên ji bo sezona nû li navçeya Kartepeyê ya Kocaeliyê didomîne û armanca wan ew e ku bi kadroyeke bihêz bigihîjin serkeftinê.
Nûvekirina herî dawî: 15:29:57
