Mesrûr Barzanî: Em bo çareserî diyalogê re amadene

Mesrûr Barzanî axaftina xwe ya ku li gel BBC'ê re kiriye, di derbarê pêvajoya referandûma Serxwebûna Kurdistanê û bi rêya diyalogê de çareserkirina pirsgirêkên di navbera herdu aliyan de nirxandin kir.

Mesrûr Barzanî di axaftina xwe de got: "Me çaverê dikir ku wan piştgiriya danûstandinên aştiyane di navbera me û Bexdayê de li pêşiya referandûmê û piştî wê kiriban, lê hikûmeta Iraqê û serokwezîr berî referandûmê gotibû ku ew ne niha û ne jî li paşerojê referandûma serxwebûna Kurdistanê qebul nakin. Weha kirin ku ti bijardeya din li pêşiya me nebe ji bilî ku em vegerin xelkê û bizanin ka wan çi dive."

Barzanîn di berdewamiya axaftina de got: "Me çaverê nedikir ku civaka navnetewî û Amerîka li dijî referandûma bibin, ew alî eger piştgiriya referandûmê nekin jî lê dikarin bê alî ban û serpiriştiya danûstandinên di navbera Hewlêr û Bexdayê de kiriban û bi rêyên aştiyane pirsgirêk çareser kiriban."

Barzanî berdevama axaftina xwe de dide zanîn ku wek beriya referandûmê aniha jî amadene ku li gel Bexdayê birunin û pirsgirêkan bi rêya diyalogê çareser bikin.