Netanyahu bangî xelkê Îranê kir: Derkevin em dê we biparêzin

Netanyahu ji Îraniyan re got, "Derkevin kolanan, em dê we biparêzin."

Ofîsa Serokwezîriya Îsraîlê daxuyaniyek belav kir.

Li gorî daxuyaniyê, Serokwezîrê Îsraîlê Benjamin Netanyahu li Tel Evîvê bi berpirsên payebilind ên ewlehiyê re civiya.

Civîn Wezareta Parastinê ya Îsraîlê hat lidarxistin.

Wezîrê Parastinê yê Îsraîlê Israel Katz, Sererkan Eyal Zamir û Dîrektorê MOSSADê David Barnea jî di civînê de amade bûn.

Qala kuştina berpirsan kir

Netanyahu di axaftina xwe de qala suîqestên dawî kir.

Wî êrişên li dijî Konseya Bilind a Ewlehiya Niştimanî ya Îranê kuştina Elî Larîcanî û Fermandarê Hêzên Besîcê yê Îranê Xulamreza Silêmanî bi bîr xistin.

Di encama wan her du êrişan de ew berpirsên Îranî hatibûn kuştin.

Peyama ji bo Newrozê

Li gorî nûçeya AAyê,Netanyahu bangî xelkê Îranê kir.

Wî diyar kir ku balafirên Îsraîlê li kolan û qadên bajaran êrişî berpirsên Îranê dikin û ev êriş didomin.

Serokwezîrê Îsraîlê bal kişand ser nêzîkbûna Newrozê û got, "Pîrozbahiyên xwe bidomînin. Em ji jor ve temaşe dikin."

Wî bi van gotinan xelk teşwîqî xwenîşandanên girseyî kir û peyama "derkevin kolanan, em dê we biparêzin" da.