Felah Mistefa: Niyeta me ya şer tune!

Mustefa bi kanala CNNê re axivî û got: \"Bûyer di van çend rojan de zelal dibin û em ketin serdemeke nû ji bo danûstendina li gel Bexdayê. Cihê miixabîniyê ye ku referandûmeke demokratîk û aştiyane ku li Herêma Kurdistanê pêk hatiye rastî dijberiyeke wiha ji Bexda û civaka navdewletî were.\"

Herwiha rayedarî derbarê referandûmê got: Em gelekî zelal diyar kir ku em dixwazin peyama xwe bigihînin ku gelê me tenê dixwazin mafê xwe pêk bîne û me diyar kir ku em ji diyaloga aştiyane û cidî li gel Bexdayê re amade ne…Lê bexda ji diyalogê re ne amade bû.\"

Mistefa di berdevamiya axaftina xwe de di derbarê kêşeyên navbera Bexda û Hewlêrê de wiha got: \"Em dizanin nakokî û kêşe hene ku divê em li ser wan bixebitin lê Bexdayê qebûl nekir rûnê û diyalogê bile û hinek tiştên kirin ku li dijî Herêma Kurdistanê û gelê wî siza kirin ku di encamê de em gihiştin tiştê îro diqewime. Divê em li diyalogê vegerin daku em fêm bikin b^eçi dibe û divê çi bê kirin\".

Ji aliyê din ve, Birêveberê têkiliyên derve yê Kurdistanê bangî civata navdewletî û nexasim Encûmena Ewlekariyê ya NYyê kir daku vê kêşeyê nîqaş bike û got,\" gelekî giring e. Ev siberoja neteweyekê ye û pirseke giring e li vî beşê cîhanê.\"

Mustefe destnîşan kir ku mesele ne meseleya bîrên petrolê ye û ne jî alayê ye lê siberoja du neteweyan e \"lewra pêwîstî bi diyalogê heye\".