Li Hewlêrê kûçikên bêxwedî êrişî pez kir û 15 serî mî û bizin kuştin

Ebdulstar Herkî ku xwediyê pez e û li navçeya Behrikê dewarên xwe xwedî dike ji K24 re got, îro demjimêr 04:30ê vê sibê dema şivan hat dewaran bibe û çêriyê, dît ku hejmarek kûçikan êrişî pes kiriye û ji koma 35 mî û bizinan, 15 serî mirdar kiriye û 15 serî jî birîndar kirine.

Bi gotina Ebdulstar Herkî, hejmareke mezin ya kûçikên bêxwedî li wê navçeyê hene û bûne metirsiyeke mezin li ser jiyana wan û ev ne cara yekem e ku êrişî dewar û welatiyan dikin, pêştir jî kûçikan êrîşî dewaran kirin û du-sê mî û bizin kuştin, lê ev cara yekem e ku bi vî awayî êrişî dewaran dikin û ewqas jî dikujin.

Ebdulstar Herkî bi riya K24ê bang li Hikûmeta Herêma Kurdistanê û Rêveberiya Parêzgeha Hewlêrê kir ku çareseriyekê ji bo kûçikên bêxwedî bibînin, wek ku ew bi xwe dibêje ku tenê îro 10 - 12 milyon dînar ziyan gihîştiye wî.