Îsraîl: Êrişên me yên li Kirmaşanê berdewam dikin

Berdevkê Artêşa Îsraîlê Avichay Adrae jî daxuyand ku jetên şer li Kirmaşanê êrişî baregehên leşkerî yên Îranê dikin.

Medyaya Îranê ragihandibû ku şeva borî Kirmanşanê teqîneke mezin çêbûye.

Şerê Îran û Îsraîlê ji berê sibeha 13ê Hezîranê ve bi hemû gurbûna xwe didome.

Amerîkayê jî berê sibeha şemiya borî bi balafirên B-2 êrişî tesîsên nukleer ên Fordo, Netenz û Îsfehanê yên li Îranê kir.

Berpirsên Îsraîlê diyar kir ku di êrişên Îranê de heta vêga herî kêm 25 kes hatine kuştin û bi sedan kes jî birîndar bûne.

Wezareta Tenduristiyê ya Îranê jî daxuyand ku di êrişên Îsraîlê de bi kêmanî 430 kes hatine kuştin û zêdetirî 3 hezar û 500 kesî jî birîndar bûne.