Li Silêmanîyê di mizgeftê de teqîn!

Li gor agahîyan teqîn di mizgefta Beheşt a bajarê Silêmanîyê de rû daye û jêderên herêmî dibêjin, du narincok hatine avêtin û ew di nav mizgeftê de teqîyane.

Li gor zanyarîyên medya Herêma Kurdistanê yên dawî, dema avêtina narincokan nav mizgeftê mele Ebdulletîf Selefî ku wek rêberê selefiyên Herêma Kurdistanê tê naskirin jî li nav mizgeftê bû.

Rêveberê Tendirustiya Silêmaniyê Dr. Mîran Mihemed da xuyakirin ku 3 kes birîndar bûne êw bo nexweşxaneyê hatine veguhestin ku birîna wan sivik e. Hat ragihandin ku yek ji birîndaran Ebdulletîf Selefî ye ku birîna wî sivik e.

Herwiha hat zanîn ku li ser bûyerê dorûbera mizgeftê ji alîyê hêzên ewlekarîyê ve hatiye dorpêçkirin û lêkolîn ji bo teqînê hatiye destpêkirin.