Dibe ku jineke Kurd bibe Seroka Parlamentoya Iraqê

Li gor medya Herêma Kurdistanê ku dispêre Şêwirmendê Navenda Dar El-Selam a medya û lêkolînan Hadî Celo Merê, dê di serdema dahatû de li Iraqê di asta siyasî de guhertinên mezin çêbibin.

Merê dibêje, yek ji wan guhertinên bên kirin jî dabeşkirina postan e ku dibe posta serokomariyê ya Kurdan bi posta serokatiya parlamentoyê were guhertin.

Şêwirmendê Navenda Dar El-Selam herwiha guman dike, posta Serokê Parlamentoyê bidin jineke weke Ala Talebanî ku yek ji wan siyasetmedaran e ku pêwendiyên wê bi Ereban re baş in.

Merê pêşbînî dike, Kurd dixwazin posta Serokomarê Iraqê bi ya parlementoyê biguherînin ji ber ku posta serokomar sembolîk e û ti bandora wê li ser prosesa siyasî nîne.