9 rojnamevanên Kurd hatin berdan

Yekemîn rûniştina doza 12 rojnamevanên Kurd Diren Yurtsever, Berivan Altan, Ceylan Şahinli, Deniz Nazlim, Selman Guzelyuz, Emrullah Acar, Habibe Eren, Oznur Deger, Zemo Aggoz, Hakan Yalçin Hamdullah Bayram û Mehmet Gunhan li 4emîn Dadgeha Cezayê Giran a Enqerê hat dîtin.

Dadgehê derbarê Hamdûllah Bayram de biryara berdewamiya girtinê da û derbarê Diren Yurtsever, Berivan Altan, Ceylan Şahinli, Deniz Nazlim, Emrullah Acar, Hakan Yalçin, Selman Guzelyuz, Habibe Eren û Oznûr Degerê yên girtî biryara berdanê da. Zemo Aggoz û Mehmet Gunhan bi awayekî ne girtî dihatin darizandin.

Roja 25ê Cotmeha 2022î li 6 bajarên Tirkiye û Bakurê Kurdistanê polîsan bi ser ofîsên herdu ajansên Mezopotamya û JINNEWSê û malên payamnêrên wan de girtin. Operasyon bi biryara Serdozgeriya Komarê ya Enqerê li Enqere, Stenbol, Amed, Wan, Riha û Mêrdînê hatin kirin û 12 rojnamevanên Kurd hatibûn desteserkirin û piştre bi biryara dadgehê 10 ji wan hatibûn girtin.