Di bombebarana Artêşa Tirk de Kurdek canê xwe ji dest da

Li gorî ragihandinan, duh firokeyên şer ên Tirkiyê navçeyên Mêrge Reş, Bermîze, Çinaroke, Geliyê Reş, Kareşk, Kiware û Xwegurkê li devera Biradost bombebaran kirin.

Di encama wê bombebaranê de, otombîla welatiyekî bi ber wê bombebaranê de ket û xwediyê wê otombîlê yê bi navê Îndad Osman Arî Biradostî şehîd bû. Îndad Biradostî jidayikbûna sala 1981an e û xêzandar e.

Her wiha nayê zanîn asta ziyanên PKK'ê ji wê bombebaranê çi ye.