Parlamenterê Êzîdî yê Kurdistanê jibo piştgiriya referandom û serxwebûna Kurdistanê klîbek amade kir
Parlamenterekî Êzîdî yê Kurdistanê Vîdyo kilîbek li ser referandoma serxwebûna Herêma Kurdistana Iraqê amadekir.
Parlamenterê Êzîdî Şêx Şamo kilîbek bi navê “Rîfrandom” bo piştevanîkirina referandoma serxwebûna Kurdistanê çêkir.
Parêzer Nêçîrvan Şêx Şamo li ser wê kilîbê ji BasNewsê re axifî û got, têksta wê stranê ji aliyê parlamenter Şêx Şamo ve hatiye nivîsandin, awaza wê jî awazeka gelêrî ya devera Şingalê ye. Stran ji aliyê 6 hunermendên Êzîdî û koma hunerî ya Şarya ve hatiye gotin. Produsertiya (çêkirin) kilîbê jî ji aliyê Şêx Şamo ve hatiye kirin.
Nêçîrvan Şêx Şamo her wiha got, em dixwazin bi vê stran û kilîbê bêjin ku tenê bi damezirandina dewleta Kurdistanê êş û zilma li ser êzîdiyan xilas dibe her wiha em dixwazin vê peyamekê bidin wan kesên ku dixwazin Şingalê ji Kurdistanê veqetînin û ji wan re bêjin ku êzîdî xwedanê Kurdistanê ne.
