PWK: Cejna Rojîya Êzî Ya Kurdên Êzdî Pîroz Be

Em hêvî dikin ku ev cejn bibe destpêka alandina êş û elemên hemû xuşk û birayên me yên kurdên êzdî.

Em di wê bawerîyê de ne ku Parlamento û Hikûmeta Herêma Kurdistanê ji bo bicîh anîna hemû mafên kurdên êzdî, ji bo alandina hemû êşên xuşk û birayên me yên êzdî dê bernameyên taybet bicîh bînin.

Em Cejna Rojîya Êzî ya xuşk û birayên xwe yên kurdên êzdî yên li Kurdistanê û yên li hemû cîhanê pîroz dikin.

Buroya Ragehandinê ya Partîya Welatparêzên Kurdistanê (PWK)