Li Amedê pevçûn: 3 kes hatin kuştin

Bûyerê li taxa Cumhurîyetê rû da.

Li gorî agahiyên ku hatine bidestxistin, ji ber mijara deyn û pereyan di navbera du koman de nîqaşê dest pê kir û di demeke kurt de veguherî pevçûna çekdarî.

Di pevçûnê de 3 kes bi çekan hatin birîndarkirin.

Piştî agahdarkirinê tîmên tenduristiyê û polîs çûn cihê bûyerê.

Di kontrola yekem a tîmên tenduristiyê ya li cihê bûyerê de hat diyarkirin ku 2 kes mirine.

Tîmên tenduristiyê kesê sêyem ê ku bi giranî birîndar bûbû bi ambulansê bir nexweşxaneyê.

Tevî hemû midaxaleyên bijîşkî yên li nexweşxaneyê ew kes jî ji ber birînên xwe mir.

Termên 3 kesan ji bo diyarkirina sedema rast a mirinê û otopsiyê birin Serokatiya Koma Enstîtuya Bijîşkî ya Dadî ya Amedê.

Piştî bûyerê li herêmê tedbîrên ewlehiyê hatin girtin û derbarê kesên ku tev li pevçûnê bûne dest bi lêkolînê hat kirin.