Serok Barzanî 15emîn Pêşangeha Navdewletî ya Pirtûkan a Hewlêrê vekir

Serok Mesûd Barzanî îro Çarşemî 08.03.2023an bi amadebûna Nûnera Taybet a Sekreterê Giştî yê Netewên Yekgirtî li Iraqê Jeanine Plasschaert, Serokê Encûmena Dadweî ya Iraq Federal Fayiq Zîdan, siyasetmedar Eyad Elawî, Serokê Dezgeha Meda ya Ragihandinê Fexrî Kerîm û hejmarek konsul û nûnerên welatan, nivîskar û hunermendan, 15mîn Pêşangeha Navdewletî ya Pirtûkan a Hewlêrê vekir.

Çapa herî dawî, sê sal berê hatibû lidarxistin ku ji ber belavbûna pandemiya Koronayê, 3 salan nehatibû vekirin.

Di çapa îsal dêdetirî 350 weşanxaneyên Herêma Kurdistanê, Îraqî, Erebî û Navdewletî de beşdar in, ku dê zêdetirî milyonek sernav bên pêşkêşkirin.

Di rojên pêşangehê de dê hejmareke ji ya çalakiyên çandî û hunerî werin lidarxistin û kesayetiyên çandî, wêjeyî û hunerî yên derveyî Iraqê jî dê amade bin.

Tê çaverêkirin ku çalakiyên Pêşangeha Navdewletî ya Pirtûkan heta roja 18ê Adarê berdewam be.