Serok Barzanî: Tenê daxuyaniya Berdevkê PDKê siyaseta me ya fermî nîşan dide

Serok Mesûd Barzanî peyamek li ser hinek daxuyaniyan belav kir, ku di ragihandin û torên civakî de hinek daxuyanî û nêrîn weke helwest û nêrîna Partiya Demokrat a Kurdistanê (PDK) hatine dîtin.

Serok Barzanî ragihand ku tenê daxuyaniya Berdevkê Partiya Demokrat a Kurdistanê (PDK) siyaset û helwesta fermî ya PDKê nîşan dide.

Peyama Serok Barzanî wiha ye:

Bi navê Xwedayê bexşende û mîhreban

Di dema borî de di ragihandin û torên civakî de hinek daxuyanî û nêrîn hatine belavkirin, ku gelek caran weke helwest û nêrîna Partiya Demokrat a Kurdistanê (PDK) hatine dîtin.

Em li vir ji her kesî re radigihînin ku her cûre daxuyanî û nêrîn, li jêr her nav û nîşanek be, bi siyaseta PDKê ve girêdayî nîne û weke nêrîna fermî ya Partiya Demokrat a Kurdistanê (PDK) neyê hejmartin.

Tenê daxuyaniya Berdevkê Partiya Demokrat a Kurdistanê (PDK) siyaset û helwesta fermî ya PDKê nîşan dide.

Mesûd Barzanî

11ê Çileya 2022yan