Tom Barrack: Mezlûm Ebdî û Hakan Fîdan berdewam danûstandinan dikin

Nûnerê Taybet ê Serokê Amerîkayê li Sûriyeyê Toma Barrack doh (În, 29ê Tebaxa 2025ê) di çavpêketineke rojnamevanî de got, “Danûstandinên berdewam di navbera Fermandarê Giştî yê Hêzên Sûriyeya Demokratîk (HSD) Mezlûm Ebdî û Wezîrê Derve yê Tikriyeyê Hakan Fîdan û berpirsên din ên payebilind ên Tirkiyeyê de hene.”

Tom Barrack herwesa ragihand, “Serokomarê Tirkiyeyê Recep Tayyip Erdogan ji bo ji nû ve avakirina baweriyê li seranserê sînorên dîrokî yên ne aram dixebite.”

Nûnerê Taybet ê Serokê Amerîkayê li Sûriyeyê amaje jî da, "Tirkiye hevpeymaneke herî baş a Amerîka û NATOyê bû, pir caran şaş fêm kir, lê her gav hevpareke girîng a NATOyê bûye."

Navbirî Ron jî kir, "Têkilî û tevlîbûna Tirkiyeyê bi hêzên Kurdî yên Sûriyeyê re, tevî hevrikî û nakokiyên kûr di navbera wan de, nîşan dide ku her îhtîmaleke diyalogê vekirî ye ji bo ku zêdetir xwîn neyê rijandin."

Tom Barrack tekez jî kir, “Divê Sûriyeya nû xwe bispêre çaksazî, têkilbûn û hevpariyê.” Herwesa got, “Gelê Sûriyeyê tevî hemî pêkhateyên wê ji şerê mezhebî bêzar bûye û pêdivîtiya wê bi pêkvejiyan, tebayî û aştiyê heye.”