7 jinên Êzidî ji destê DAÎŞ'ê hat rizgarkirin
Rêveberê ofîsa rizgarkiriyên revandiyên Kurd ên Êzidî li parêzgeha Duhokê diyar kir, li gel destpê kirina operasyona rizgarkirina navçeya Tilafer'ê heta îro 24.08.2017ê 7 revandiyên Êzidî ji dest terorîstên DAIŞê yên li Tilafer'ê hatine rizgar kirin.
Li gorî daxûyaniya Rêveberê Ofîsa Rizgarkirina Revandiyên Kurd ên Êzidî Husên Kuro Qaîdî ragehand: ‘’Jinek bi navê M.X ji dayîkbûyê sala 1994ê li gel sê zarokên xwe yên bi navê Dilman, Dîman û Dîma yên xelkê gundê Koço ne ji Telaferê hatine rizgar kirin. Ên din jî du keç in her du jî xwîşkê yek in û navên wan Neyaz û Lîza Elyas in û sala 2008- 2009 ê ji dayîkbûne. Xelkê Tel Binat in ji Telaferê hatine rizgar kirin. Keçek din jî bi navê Awaz e di sala 2003 ji dayîbûye xelkê Werdê ye ew jî li Telaferê hate rizgar kirin û ew her 7 kesên êzdî ji destpêka operasyona rizgar kirina Telaferê heta naha hatin rizgar kirin.’’
Herwaha got: ‘’Îro karûbarên wan li Ofîsa Rizgarkirina Revandiyên Êzidî hate rêvebirin. Em di hewldanên berdewam de ne bo rizgarkirina hemû revandiyên kurd ên êzdî.’’
Nûvekirina herî dawî: 02:43:25
