Senatorê Fransî Rémi Féraud û Rewşa Kurdistanê!

Rojnamegera Rûdavê a jîr û serkevtî, Ala Şahî bi Senatorê Fransî Rêmî Fêraud re hevpeyvînek girîng pêk anî. Ala Şalî di vê hevpeyvînê de pirsên girîng ji Senatorê Fransî Rémi Féraud kir û bersîvên balkêş bidest xist.

Rêmî Fêraud, yekem pirsa serdana Serokê Fransa ji bona Serokkomarê Fransayê Emmanuel Macron eşkere kir ku;

‘’.. Hatina Serok Barzanî ji bo civîna li gel Serok Macron nîşaneya bihêzbûna pêwendiyên heyî yên di navbera Paris û Hewlêrê de ye û bêguman ev pir pir girîng e, ku ev pêwendî her tim bihêz bin û piştevaniyek saxlem û cîgir bibe bi rêya hevdîtinên yek li dûv yekê.“

Yekem mesaja Senatorê Fransa Rémi Féraud a grîng, li ser rewşa alozîya sîyaseta Kurd a navxweyî bû. Rêmî Fêraud eşkere kir ku;

“Divê Kurd yek bin da ku karibin li hemberî Bexdayê berjewendiyên rewa yên Herêma Kurdistanê biparêzin.”

Li ser pirsa rewşa Rohilata Naverast û di nav van alozîyan de rewşa Kurdistanê jî got:

“Divê Kurd li hemberî van aliyan jî yekdeng û yekreng bin.”

Ji bona ku Kurd bihêsanî û serkevtî ji nav van alozîyan derkevin û bi wêrektî destkevtinên xwe biparêzin, yekdengîya kurdan û a Kurdistanê pir girîng e.

Di seranserê Rohilata Naverast de bi dehan rêxistinên terorê hatine bihêz kirin û çalak, hemû bi Îranê, tirkîyê û Yemen û Qeterê ve girêdayî ne. DAÎŞ çû, Hamas hat. Sibê wê Hizbullaha Libnanê, an jî kualisyonek din a Îslamîst derkeve ber me. Ez tenê hêzên çekdar yên li Felestîn, Libnan, Sûrîyê, Yemenê û Tirkîyê, İraqê û Şingalê, ku bi piştgirî û dîrektîfa Îran, Tikîyê û hinek dewletên ereban ve tevdigerin eşkere bikim; texmînî nêzî 500 hezar çekdarî derbas dike. Ev hêz hemû Îslamîstên fenatîkin û her yek ji wan Hamas, an jî DAÎŞ in, Hûsî ne. Li Tierkîyê, Îran û pir welatên misilman piştgirîyek xurt a van hêzan heye. Bi destpêkirina şerê Hamas û Îsraîlê re xwepêşandanên ku li Tirkîye, Îran, dewletên misilman û dîyaspora ereban û misilmanan derketin ber me, vê qenaetê diçespîne. Hemû ji yek navendê tên organîze kirin. Em Kurd jî di vê herêmê de, di orta van alozîyan de, çarhawêrê me agir jê dibare. Em miletekî bê dewlet û bêparastin in.

Li ser Rohilata Navîn jî dîyar kir ku:

‘’… divê em guh bidin dost û hevpeymanên xwe. Li vê navçeya cîhanê Kurd hene û bêguman Kurd di rêzên pêşiyê de tên. Îradeya Kurdan yek be, ku Kurd nebin qurbaniyên belavbûna û berfirehbûna milmilaniyên dij Kurd.“

Rêmî Fêraud, di dewama hevpeyvîna xwe de got:

„Divê em pişta xwe nedin qederê. Eger siyaseteke bihêz hebe û ev yek bû di salên 2014 û 2015an de, dema ku Fransa li gel Amerîka û li gel Kurdan biryar da ku bi şêweyekî kar bikin, ku Hevpeyaniya li dijî DAIŞê bikaribe bigihêje armanca xwe û xîlafetê ji nav bibe, wan karîbû vê yekê bikin.“

Li ser avakirina kualîsyonek nû li dij Hamasê jî nerîna xwe zelal kir ku;

2 / 2

‘’Em bînin bîra xwe, bê hêzên Kurd yên ser erdê, Hevpeymaniya Navdewletî li dijî DAIŞê dirist nedibû. Bêyî hêzên Pêşmerge, li Sûriyeyê, li Îraqê dê karîgeriya bombebarana hêzên Amerîkî û Fransayê û NATOyê li dij DAÎŞê serkevtî nebûya. Li Xezeyê û li henber Hamasê ev îmkan tineye. Hamas sivîlan ji xwe re dike mertal, ev jî asteng e ji avakirina kualîsyonek nû re. Bêyî hêzên Kurdî, hêzên taybetî li ser erdê, dê nikarîbana karîger bin. Niha em ne di heman rewşa cografîk de ne li Xezeyê.“

Rémi Féraud, di girtina rolekî girîng a Fransa ji bona Kurdistanê û herêmê jî:

‘’ Ez dizanim ku rojana êriş an jî projeyên êrişan bo ser baregehên Amerîkayê li Kurdistanê û Îraqê hene. Lewma rewş pir aloz e û pir metirsîdar e. Hebûna Fransayê li vir ji bo misogerkirina serweriya Îraqê û otonomiya Kurdistanê û tevahiya ewlehiya navçeyê, bêguman bes nake. Ji ber me berî kêlîkekê behsa hêza rejayî ya Fransayê kir, lê ev pir pir girîng e û beşdarbûna Fransayê di van mijaran de zor pêwîst e. Lewma ez baweriyê bi Serokê Fransayê û Hikûmeta Fransayê bikim ku dê bêguman ev hişyarî û ev guhdan û îradeya bihêz hebe bi taybetî li kêlek dostên me yên Kurd, ku di rewşeke jeopolîtîkî ya zehmet û hestyar de ne. Lê ez dizanim jî ku dostên Kurdan hene û divê Fransa yekem dostê Kurd yê herî lipêş be.“

Li ser pirsa beşdarbûna kurdan a Encûmena Ewlehiyê ya Navdewletî jî Senatorê Fransa Rémi Féraud nirxand ku:

‘’Kurd li cîhanê gelê herî mezin ê bêdewlet e. Ev rastiyek e ku di dîrokê de ji bo demeke dûr û dirêj vedigere. Niha jî ku bi taybetî sed sal di ser Peymana Lozanê re derbas dibe. Li hemberî jî Kurd ji dema rizgarkirina Îraqê û ketina Sedam Hiseyn ve, ev herêma otonom li derdora Hewlêrê, ku nimûneyeke ji bo pêşketineke awarte, xwediyê otonomiyeke rasteqîne ye. Hin caran beşbûnên navxweyî jî hene ku hin caran wê lawaz dikin. Lê dikare hev bigire, da ku bikaribe herêmê biparêze û Kurd herwiha dizanin piştevaniya hev bikin, dema ku rastî êrişê tên, tevî nakokî û cudahiyên xwe.“

Hêvîya min ewe ku sîyasetmedar, rewşenbîr û zanayên Kurd; van pêbinîyan binirxînin û xwe ji boranên mezin re amade bikin ku serkevtî bin

Bu makalede yer alan fikirler yazara aittir ve Nerina Azad'ın editöryal politikasını yansıtmayabilir.