Nêçîrvan Barzanî Cejna Cemayê pîroz kir
Serokê Herêma Kurdistanê Nêçîrvan Barzanî Cejna Cemayê ya Kurdên Êzidî pîroz kir.
Serokê Herêma Kurdistanê Nêçîrvan Barzanî îro 6ê Cotmehê bi boneya Cejna Cemayê peyameke pîrozbahiyê arasteyî hemû welatiyên Êzidî yên li Kurdistan, Iraq û seranserê cîhanê kir û hêvî xwast ku cejneke aram û tijî asûdeyî derbas bikin.
Peyama Serokê Herêma Kurdistanê:
Cejna Cemayê li tevahiya welatiyên me yên Êzdî li Kurdistanê, Iraqê û li her dera cîhanê bin pîroz dikim. Hêvîdar im cejnek aram û tenahî derbas bikin û hemû cejn û helkeftên bên bi xêr û xweşiyê pîroz bikin.
Dîsa hemû welatiyên me yên Êzdî û tevahiya pêkhatên Kurdistanê piştrast dikim ku wek herdem em ê piştevan û parêzerê maf û daxwazên wan bin û Herêma Kurdistanê ji bo hemû pêkhateyan dê her wek war û welatê pêkvejiyana aştiyane bimîne.
Cejna Cemayê li hemûyan pîroz be, her sal bi xêr û xweşî be.
Nêçîrvan Barzanî
Serokê Herêma Kurdistanê
06.10.2026
Nûvekirina herî dawî: 22:08:39
