Nêçîrvan Barzanî tîma neteweyî ya Îraqê pîroz kir

Îraqê di maça ku li Meksîkayê hat lîstin de Bolîvya 2-1 têk bir û serkeftineke dîrokî bi dest xist.

Serokê Herêma Kurdistanê piştî vê yekê di peyama xwe de di serî de werzişkar û tîma teknîkê, hemû gelê Îraqê pîroz kir.

"Serkeftineke dîrokî û cihê serbilindiyê"

Nêçîrvan Barzanî di peyama xwe de bal kişand ser girîngiya vê serkeftinê ya di dîroka werzişê de û ev tişt gotin:

"Ev serkeftina dîrokî ya ku piştî 40 salan a li bendêmayînê hat, ji bo hemû Îraqiyan mizgîniyeke mezin û haveynê serbilindiyê ye.

Ez ji dil û can hemû endamên tîma neteweyî pîroz dikim ku bi ked û dilsoziya xwe xewna Kupaya Cîhanê pêk anî."

Hêviya yekîtî û bihevrejiyanê

Serok Barzanî di maçên koman ên Kupaya Cîhanê de ji Tîma Neteweyî ya Îraqê re serkeftin xwest û hêvî kir ku ev serkeftina heyî yekîtî û bihevrejiyana civakî xurt bike.

Serok Barzanî peyama xwe bi van gotinan bi dawî kir: "Ez hêvîdar im ku ev serkeftin ji bo her kesî bibe wesîleya bextewerî û aramiyê."

Îraqê ji sala 1986an ve cara yekem mafê beşdarbûna fînalên Kupaya Cîhanê bi dest xist û dawî li bêrîkirina 40 salî anî.