Şandeyên Amerîka û Herêma Kurdistanê li ser yekkirina hêzên Pêşmergeyan civiyan

Serokatiya Herêma Kurdistanê di daxuyaniyeke ragihand ku di civînê de tekezî li ser serxistina pêvajoyayê hatiye kirin.

Civîn li Serokatiya Herêma Kurdistanê pêk hat û li gorî daxuyaniyê, di civînê de behsa gavên dawî yên pêvajoyaya yekkirina Hêzên Pêşmergeyan hatiye kirin.

Her wiha di civînê de hewl û pêngavên hevbeş ên ji bo lezkirina pêvajoyayê û çareserkirina astengiyên li pêşiya wê hatin ducarekirin û derbarê berfirehkirina hevahnegî û hevkariya di navbera her du aliyan de nêrîn hatin guhertin.

Daxuyaniya Serokatiya Herêma Kurdistanê wiha ye:

“Îro(Doh) li Serokatiya Herêma Kurdistanê, xuleke din a civînên hevbeş ên di navbera berpirsên hejmarek saziyên pêwendîdar ên Herêma Kurdistanê û şandeyeke leşkerî û dîplomatîk a Amerîkayê de ji bo gotûbêjkirina li ser pêvajoyaya reform û birêxistinkirina hêzên Pêşmergeyan bi rê ve çû.

Di gotûbêjên civînê de, ji bilî tekezkirina li ser girîngiya serxistina pêvajoyaya reformên hêzên Pêşmergeyan û pêwîstiya yekxistina wan, gavên dawî yên pêvajoyayê û qonaxên mane hatin nirxandin.

Her di civînê de, hewl û pêngavên hevbeş ên bi armanca lezkirina pêvajoyayê û çareserkirina astengiyên li ber wê ducare hatin piştrastkirin û derbarê berfirehkirina hevahengî û hevkariya di navbera her du aliyan de nêrîn hatin guhertin.”