Amerîka dê êrişên li Îranê gav bi gav zêde bike

Li gorî nûçeyê, heta ku birêvebiriya Tehranê li ser bernameya xwe ya nukleerî negihêje peymanekê, Amerîka dê tundiya êrişan gav bi gav zêde bike.

WSJyê ragihand ku birêvebiriya Amerîkayê ji bo ku Tehranê neçarî peymanê bike, nirxandina vebijêrkên êrişê didomîne.

Çavkaniyên ku ji rojnameyê re axivîne diyar kiriye ku eger destûr were dayîn, di nava çend rojan de êrişên yekem dikarin werin kirin.

Di van êrişan de dê çend xalên leşkerî yan jî saziyên hikûmetê werin hedefgirtin.

Plana operasyonên berfireh

Çavkaniyên ku navên wan nehatine eşkerekirin destnîşan kir ku eger Tehran piştî van êrişên ewil daxwazên Washingtonê bi cih neyîne, dê çarçoveya operasyonê qonax bi qonax were berfirehkirin.

Rayedarên Amerîkayê anî zimên ku di demên dawî de dan û standin zêdetir li ser planên êrişên mezin in lê hîn biryara dawî nehatiye dayîn.

Gefên Donald Trump

Serokê Amerîkayê Donald Trump doh ragihandibû ku dê di nava 10 rojan de diyar bibe ka pêvajoya bi Îranê re ber bi kû derê ve diçe.

Trump hişyarî dabû û gotibû, "Divê em bi Îranê re peymaneke biwate bikin, naxwe dê tiştên xerab bibin."