Damezrînerê Kompanya Rapirsiyan a Avrasyayê hat desteserkirin
Damezrînerê Kompanya Lêkolîn û Rapirsiyan a Avrasyayê Kemal Ozkiraz dema ji parêzgeha Enqerê diçû Antalyayê hat desteserkirin.
Rojnemavan Gokhan Ozbek li ser medya civakî ragihand ku îro Şemiyê 13ê Gulana 2023an damezrênerê Kompanya Lêkolîn û Rapirsiyan a Avrasyayê Kemal Ozkiraz hatiye desteserkirin. Ozbek dibêje, “Dostê min ê hêja Kemal, dema ji Enqerê vedigeriya Antalyayê ji aliyê polîsan ve hatiye desteserkirin.”
Hewiha derbarê sedema desteserkirina Kemal Ozkiraz de ti zanyariyek nehatiye belavkirin û li gor agahiyên Gokhan Ozbek, Ozkiraz bo Rêveberiya Emnî ya Enqerê hatiye birin.
Ev di demekê de ye ku sibe Yekşemê 14ê Gulanê hilbijartinên serokkomarî û Parlamentoya Tirkiyê tên kirin û di piraniya rapirsiyan de berbijêrê Hevpeymaniya Millet Kemal Kiliçdaroglu di gera yekemîn de bi ser dikeve.
Ev nûçe bi tevahî 720 kes dît.
Nûvekirina herî dawî: 21:36:41
Nûvekirina herî dawî: 21:36:41
