Di nav du salên borî de gelek dewlemendên Kurdistanê bar kirine!
Pisporekî aborî: Divê hikûmet pêşiya vê yekê bigire
Pisporekî aborî dibêje, di heyama du salên borî de gelek bazirgan û sermayedarên Kurdistanê dirav û sermayeya xwe birine derve.
Mamostayê beşa aborî li zanîngeha Selahedîn a Hewlêrê, Karwan Sebah Hewramî ji BasNewsê re got, bi derketina kirîza darayî li Herêma Kurdistanê re gelek bazirgan û sermayedar dirav û sermayeya xwe birine derve.
Mamosta Karwan her wiha got, piraniya wan bazirgan û dewlemendan jî diçin Tirkiyê ji ber ku Tirkiye gelek alîkarî û hêsankarî bo bazirgan û dewlemendan dike.
Wî pisporê abor daxwaz ji hikûmeta Kurdistanê kir, hêsankariyê bo bazirgan û dewlemendan Kurdistanê bike da ku dirav û pereyê xwe nebin derve û got, ji ber ku çiqas sermaye ji Kurdistanê derkeve ewqas aboriya Kurdistanê zirarê dibîne.
Ev nûçe bi tevahî 2192 kes dît.
Nûvekirina herî dawî: 20:57:17
Nûvekirina herî dawî: 20:57:17
