Erzerom: Karmendên 2 kompanyayên otobûsan bi çek û kêran bi hev ketin
Li Erziromê karmendên 2 kompanyayên otobûsan bi çek û kêran bi hev ketin.
Karmendên 2 kompanyayên otobûsên ku di navbera Îdir-Erziromê de rêwiyan dibin û tînin, li Erziromê pev çûn û bi çek û kêran êrişî hev kirin.
Hat diyarkirin ku her du grûp ji ber mişteriyan pev çûne.
Pevçûn li ber Zanîngeha Perwerde û Lêkolînê ya Ataturkê ya Erziromê ya Bakurê Kurdistanê rû da.
Di pevçûna bi çek û kêran de 2 kes birîndar bûn.
Piştî agahdarkirinê tîmên tenduristiyê û polîs çûne cihê bûyerê.
Tîman her du birîndar birin nexweşxaneyê.
Herwiha 10 kes ji ber ku pev çûne hatin desteserkirin û polîsan li cihê bûyerê dest bi lêkolînê kir.
Ev nûçe bi tevahî 999 kes dît.
Nûvekirina herî dawî: 16:56:25
Nûvekirina herî dawî: 16:56:25
