Fermandarê amerîkî ji bo Pêşmerge Heşdî Şebî hişyar kir
Wezareta Parastin a Amerîkayê (Pentagon) li ser tevgera Heşdî Şebî ya dawî li herêma Şingalê ew hişyar kirin.
Berdevkê Pentagonê general Jeff Davis amaje bi tevgera Heşdî Şebî ya li başûrê Şingalê li hemberî Hêzên Pêşmerge kir û got: "Divê hemû aliyên pabendê biryar û rênûmayên berpirsên Bexdayê bin. Danûstanin û şêwirîna ligel Iraqê ne hêsan e, ji ber ku li vî welatî gelek hêzên mîna Haşdî Şebî hene."
Jeff Davis di berdewamiya axaftina xwe de got: "Serokatiya fermandeyiya şerê li dijî DAIŞê ji Bexdayê ve têkirin. Divê ew hêzên ku beşdarî vî şerî dibin, vê rastiyê bizanin û pêk bînin."
Rêxistina Heşdî Şebî roja 25ê Gulana 2017ê, di çarçoveya ‘Operasyona Mihemmed Resûlallah' de êrişî bajarokê Qeyrewanê ya li başûrê Şingalê û 13 gund û komalgehên kurdên êzidî kirin û ev navçe ji destê DAIŞê derxistin. Heşdî Şebî ya li herêmê, bû sedema nîgeraniya Fermandariya Hêzên Pêşmerge.
Nûvekirina herî dawî: 04:23:35
