Hêzeke Brîtanyayê ji Til Temirê xwe vekêşa û berê xwe da Dêrazorê
Hêzeke Brîtanîyayê xwe ji bingeha Qesrik li Tel Temirê vekişand û berê xwe da gundewarê Dêrazorê.
Li gor nûçeya K24ê, ku yekîneyeke hêzên Brîtanîyayê ji bingeha Qesrik a Hevpeymanîya Navdewletî ya li bakurê Tel Temir derketîye û berê xwe daye gundewarê Dêrazorê û dê li bingeha Omer bicih bibe.
Ajansa SANA ya fermî ya hikûmeta Sûriyê belav kirîye ku hêzeke Amerîkayî li bîrên petrolê yên Rimêlan bicih bûye û li gor wê malperê ew hêz ji gundewarê Reqa û Hesekê vekişyane.
Ji alîyek din ve, karwaneke mezin ji hêzên Amerîkî di demjimêrên nîvê şevê de ji baregeha Qesrik li gundewarê Tel Temirê derket û berê xwe da bajarê Rimêlan.
Ev karwan gelek zirîpoş, çek, alavên leşkerî û tankên Biradlî li xwe digirtin, li ser rêka M4 derketin û çûn Rimêlan.
Li gor çavkanîyeke fermî ji K24ê ragehandiye, ev karwan li derdora bajarê Rimêlan dê bicî bibe.
Ev nûçe bi tevahî 813 kes dît.
Nûvekirina herî dawî: 06:25:00
Nûvekirina herî dawî: 06:25:00
