Îran: Amerîkayî peyaman dişînin lê ji bo me parastina welêt li pêş e

Li gorî nûçeya televîzyona dewletê ya Îranê, Beqayî diyar kiriye ku Amerîkayê bi Îranê re di nav dan û standina peyaman de ne û li ser vê mijarê got:

"Lê ji bo me pêşînî parastina serweriya me, yekparçeyiya axa me û parastina gelê me ya li dijî sûcên şer ên Amerîkayê ye."

Berdevkê Artêşa Îranê Mihemed Ekremîniya doh ragihandibû ku Amerîkayê du şevên dawî êrişên xwe rawestandine û wan jî li gorî vê yekê operasyonên xwe rawestandine.

Mihemed Ekremîniya gotibû ku “Hêzên Çekdar ên Îranê ji bo hemû senaryoyan amade ne.”